نسبة اللي يحبون الشتاء بالمملكة تتعدى ٩٩,٩٩٪؜

وهذي النسبة عبارة عن رأي شخص قائم على الملاحظة بشكل عام 😂 ياعمي حتى نفسياتكم تغيرت من يوم دخل الشتاء!

والحقيقة اللي ما يختلف عليها اثنين أن كل شيء بالشتاء غير .. نوم الشتاء غير .. اكل الشتاء غير .. كشخة الشتاء غير..  حتى الجمعات بالشتاء غير وخصوصا لو كانت جلسات خارجية ❤️‍🔥 تحس حتى السواليف دافيه وانتم مجتمعين علي النار. 🤣

في هذي التدوينة بنغششك بخمس أماكن جلساتها الخارجية خرافية بمعنى الكلمة:

موصى به

قوة المرأة تبرز في موسم الرياض بأصالة وأحلام وحبهم للسعوديات!أفضل الأماكن لقضاء ويكند مليان بالمتعة في الرياضألذ كباب في الرياض

هاف مليون فاتحين فرع بالثمامة بس لموسم الشتاء 😍

فكرة خطيرة من هاف مليون .. وتنفيذها بموقع ممتاز مثل الموقع اللي اختاروه مناسب لأجواء شتوية بامتياز.

(هنا) تلاقون موقع المكان.

 

Voir cette publication sur Instagram

 

Une publication partagée par Half Million | هاف مليون (@halfmillion_sa)

شتاء العمارية .. مكان جميل لكن يتطلب حجز مسبق

بحسب كل اللي راحوا له، المكان جديد .. هادي ومناسب جدًا للقروبات وخصوصا بالفترة المسائية .. ومن خلال بحث سريع عن خدماتهم فهم يوفرون لك جلسات فيها شبة نار مع القهوة والكرك بـ٣٠٠ ريال

(هنا) تلاقون موقع المكان.

• شتاء العمارية ⛺️
مكان جديد وجمييييل 🤍🤍
جلسات شتوية وشبة نار
من 3 م إلى 2 صباحاً .. pic.twitter.com/ONIVQ6abkI

— ابداع (@EPDA311) December 12, 2021

ذا جروفز .. لو ودك تكشخ شوي  

لو ودك بمكان أكثر رفاهية، مناسب حتى للأطفال بسبب وجود الألعاب .. سيييده وجه على حديقة الخزامى بذا جروفز في الحي الدبلوماسي “السفارات”، وحدة من أفخم واجمل حدايق الرياض.

المكان مرات يسوون فيه عروض موسيقية، وراح تحبه في الفترة النهارية لو ودك تروق وتوسع صدرك..

(هنا) تلاقون موقع المكان.

Khuzama park | حديقة الخزامى
مكان يفتح النفس 🤩
📍| الرياض حي السفارات pic.twitter.com/gSz5L0VWeU

— ‘ (@Golden_places) April 16, 2021

فارزي كافية ..

مالك كثير بالتراب وريحة الحطب ؟ بس ودك تسمتع بجو الشتاء؟ هالمطعم راح يكون ضمن مفضلتك، لكن ينصحون فيه لوجبة الفطور او للقهوة أكثر شيء .. يعني لو بتكيف راسك وتنبسط بالجو العليل رح واطلب جلسة خارجية مطلة. مكان مميز بكل أمانة ويجبرك ترجع له اكثر من مره.

(هنا) تلاقون موقع المكان

 

Voir cette publication sur Instagram

 

Une publication partagée par Farzi Cafe KSA|فارزي كافيه (@farzicafeksa)

مطعم باهتشه .. تغذية بصريه هالمكان

مطعم ومقهى يستحق الزيارة، بعض جلساته الخارجية -الجمييلة جدا- فيها نار .. متنوع بالأكل اللي يقدمه ومناسب للعوائل وكثير مدحوه للفطور.. تقدييير وحب كبير للاماكن الكبيرة والشرحة.

(هنا) تلاقون موقع المكان.

|| الأسم : لاونج باهتشة |
|| أوقات العمل : 4:00 م – 1:30 ص
|| الاسعار : متوسطه
|| الجلسات : داخلية | خارجية
|| البارتشن : يوجد ( حسب الطلب )
|| الموسيقى : لايوجد
.
وعندهم اصناف حلا تحضر بشكل يومي 🧁🍰 pic.twitter.com/5cay3WRDD0

— Aleen ..☕️ (@leno_211) July 2, 2021