5 مطاعم بخاري لازم تجربها بالرياض

جايب لكم اليوم أفضل وألذ مطاعم البخاري بالرياض وبما أن الرياض مليانة مطاعم لذيذة والمنافسة فيها قوية فأخترنا لكم أفضل خمسة مطاعم تقدم الرز البخاري، واعتمدنا في قائمتنا على شهرة المطعم وذياع صيته وأيضًا متوسط أسعاره مع جودة اكله👍.

موصى به

5 مطاعم بخاري لازم تجربها بالرياضمطاعم مكسيكية في الرياضبطاطس لذيذ في جدة

الحمراء البخاري🥄

طبعًا لا يخفى على أهل الرياض مطعم الحمراء البخاري ويمكن حتى من خارج الرياض قد سمعوا عنه وهو يعتبر الخيار الأول للبخاري إذا كنت  بحي العقيق أو كنت على طريق الملك فهد  وعمومًا سهل الوصول له، يعتبر الحمراء أعلى مطاعم البخاري تقييمًا بالمنصات وهذا يثبت جودته ورضى عملائه عنه ويتميز مطعم الحمراء بالرز البخاري طبعًا اللي هو محور حديثنا والدجاج يعود لذائقتك شواية أو على الفحم لأن كل خياراتهم لذيذة الصراحة وعندهم مشويات متنوعة بالإضافة لأنواع الرز أُخرى لو تحب.

السمرقندي🔥

السمرقندي لو ما كان بالقائمة بإستحقاقة راح يتواجد بأقدميته، نتكلم عن واحد من أقدم مطاعم البخاري بالرياض ويعتبر عريق وأصيل بالمجال وينافس في شهرته مطعم الحمراء، يقدم لك الرز البخاري بالطعم الأصلي مع دجاج الشواية الذهبي ولو كنت تبي تغير فتقدر تطلب مشاوي تنزلك مع الرز مع منيو متنوع من السلطات والأطباق الجانبية ويقدم بوكسات بخارية جاهزة تقدر تاخذها وتاكلها في أي مكان وبيني وبينك ترا تنفع هدية😗.

مقمر👌

مقمر من أسمه يوضّح لك الطبخه، رغم أنه يعتبر جديد على الساحة ولكن دخل بيمزة تنافسية رهيبة وهي الدجاج المقمر اللذيذ بحيث يقدمه لك بطريقة مبتكرة ومتأكد بتعجبك والأهم بالنسبة لنا الرز البخاري، عندهم منيو متنوع من كل الأطباق بأنواع من الرز والدجاج بس من تجربة الرز البخاري عندهم مع المقمر كلام👌 وصراحة فكرة البوكسات حقتهم رهيبه ما تقدر تاكل قبل ما تعطيها صورة📸 “يلزم وجودة بالقائمة لأنه مطعمي المفضل👀”.

 صالحة البخاري

مطعم يعرفونه المخضرمين، صالحة البخاري يقدم لك الشواية مع الرز البخاري بدون فلسفة فهو قديم بالمجال ويعرف شغله وله شعبية كبيرة عند محبين البخاري والشغل فيه حامي وسريع والعمال بيبردون قلبك في سرعة شغلهم ولو تبي تتأكد زيادة تقدر تسأل عنه مخضرمين الرياض.

 القازنلي البخاري

تعرف الأكل اللذيذ اللي تاكله وتبقى تتذكر طعمه لأيام؟ بالضبط هذا هو القازنلي البخاري يقدم لك رز متبل خطير وما يقاوم مع الدجاج وكنصيحة مني لك مبدئيًا أطلب لك نفر رز زيادة وراح تدعيلي.

وفي الختام ترا قائمتنا ما فيها ترتيب، حاولنا فيها نذكر أفضل الطاعم من تجاربنا الشخصية وآراء الناس عليها وشهرتها بالمجال ولو فيه مطاعم تشوف أنها تستاهل وما تكلمنا عنها تقدر تشاركنا تقييمك لها على هاشتاق #Lovinsaudi 💚.