ليه كل اصناف الاكل لها مطاعم متخصصة فيها الا الهوت دوق؟ إذا جينا للبرقر عندنا مليون مطعم مثالي ولذيذ متخصص فيه، واذا جينا للبروستد ياكثر مطاعم البروستد سواء المحلية او العالمية، ونفس الشيء ينطبق على الشاورما والستيك والسوشي و و و! إلا الهوت دوق ?? طبق مسكين يعاملونه كصنف جانبي في المينو ونادرًا تلقى مطعم متخصص فيه مع انه لذيذ ومطلوب ويحبه الصغير والكبير ?

وعلى اعتبارنا عشاق لساندويتشات الهوت دوق، بحثنا عن ألذ مطاعم تقدم الهوت دوق بالرياض وجربناها وقررنا نشارككم الترشيحات.?

جايينكم بقائمة تبدأ بمطاعم متخصصة فيه ثم حاولنا نكملها بمطاعم أخرى اشتهرت بتقديم هوت دوق لذيذ ولكن متخصصة بأكلات مختلفة، يعني باختصار إذا انت من سكان الرياض وتحب الهوت دوق احفظ هذي القائمة عندك. ??

موصى به

السفير الياباني يودع السعوديةأبرز الأشياء اللي حصلت في عرض أزياء شي إن الرياض 2024اكتشاف تاريخي يكشف لنا خفايا الماضي 🇸🇦

• هوت دوق اكسبرس | HD Express

كيف نبدأ قائمة لمطاعم الهوت دوق بدون ما نبدأ بهوت دوق اكسبرس؟ ?? واحد من أوائل مطاعم الهوت دوق السريعة المتخصصة بالرياض واللي تحس بالانتماء لها، يقدم ساندويتشات متنوعة ولذيذة ودائما وابدًا ننصحكم تجربون الكلاسيك مع “ساندييقو” فرايز ? فروعهم تغيرت بعد أزمة كورونا، وحاليًا يستقبلون الطلبات اونلاين.

 

View this post on Instagram

 

مذاق عالي الوضوح HD اكسبرس HD?

A post shared by ??HD EXPRESS??اكسبرس HD (@hotdogexpress) on Sep 18, 2019 at 6:27am PDT

• مستد | Musted

شيء من الاخر .. لذيذ جدااا ويقدم اختيارات مختلفة ومتنوعه من ساندويتشات الهوت دوق ? ما نقدر ننصحك بواحد  منهم لأن كل الأنواع عندهم خرافية وتستاهل تجربها. متواجدين في المغرزات.

السوالف الخاثرة ماتكمل إلا بخيارات الهوت دوق من مستد ??
اطلبها عن طريق التطبيقات التالية ? : @JahezApp @HungerStation @WsselKSA @TheChefz_ @ToYouKSA pic.twitter.com/sUFmBL82Oj

— مستد | Musted (@musted_sa) June 18, 2020

• وازاب دوق | WAZZUP DOG

من أفضل المطاعم السريعة المتخصصة بالهوت دوق ومتميزين بساندويتش هوت دوق بنكهة الشمندر .. ببساطة مطعم لذيذ جدًا ونظيف وخدمتهم مميزة. يوفر جلسات داخلية بعدد محدود بكل الفرعين: فرع أنس بن مالك وفرع محطة ساسكو، مطار الملك خالد.

 

View this post on Instagram

 

Counting down the minutes left until dinner time??♥️ . . . ‏#riyadh #riyadh_food #riyadh_trends #riyadh_restaurants #wazzupdog #wazzupdogriyadh #hotdog #مطاعم_الرياض #الرياض #هوت_دوق

A post shared by وازاب هوت دوغ (@wazzupdogriyadh) on Jun 28, 2019 at 10:46am PDT

• فارمرز | Farmers

حاجة خرافية للأمانة نهنيهم على اللذاذة اللي يسوونها. ننصح بالكلاسيك ساندويتش ونقدر نقول بأنه افضل مطعم يقدم الفرايز بالدجاج “فارمرز فرايز” مستحيل تندمون عليه. موجود في حي الريان وكذلك تلاقونه في حي النزهة.

 

View this post on Instagram

 

A post shared by فارمرز farmers (@farmersksa) on Jun 23, 2020 at 5:57am PDT

• سوبرانو | Suprano

كشك صغير اشتهر بالايس كريم موجود في اكثر من منطقة بالمملكة ويقدم الهوت دوق بطريقة غريبة ومميزة.

 

View this post on Instagram

 

A post shared by superano || سوبرانو (@superano_food) on Mar 15, 2020 at 7:31am PDT

• واو برجر | WOW Burger

المطعم اللي رشحه تركي آل الشيخ لموسم الرياض، صحيح انه مو متخصص بالهوت دوق لكن الطعم فوق الوصف ننصح فيه وبشدة.. متواجدين في ٦ فروع بالرياض.

كلاسيك هوت دوق???
.
.

#هوتدوق #برجرالرياض #برقرالرياض #فاستفود #مطاعم_الرياض #واو #لذيذ #اماكن_الرياض #الرياض #hotdog #fast_food #riyadh_Resturant #good #wow #mine_burger pic.twitter.com/j5eL9OtpSZ

— WoW Burger واو برجر (@wow_burger_SA_) February 29, 2020

أخيرا، نذكركم بأن كل المطاعم موجوده في تطبيقات التوصيل .. وإذا عندكم اقتراحات او ترشيحات إضافية لمطاعم تقدم هوت دوق لذيذ حتى لو “بوفيه” شاركونا الاسماء ولا تترددون ??