أسلوب الحياة

قائمة أماكن بأجواء شتوية في الرياض

Avatar
بواسطة
قائمة أماكن بأجواء شتوية في الرياض

قائمة أماكن بأجواء شتوية في الرياض

مع تحسّن الجو بكل أوقات اليوم في الريّاض، صرنا نتحمّس اننا نقضّي وقتنا أكثر ونتعرّف على أماكن حلوة بجلسات خارجية، غير التخييم طبعًا واللي دايم له طعم غير بالشتاء.

في هذه القائمة اختصرنا لك أبرز مخيّمات الرياض المميزة، واللي تعتبر مهيئة وبمناطق فيها خدمات، يعني من الأخير بتستمتع وما راح تشيل هم البعد وغيره.

1. مخّيم بولاريس نورث

بولاريس نورث يقدم لك تجربة برية مختلفة، ويوفر لك كل احتياجات الراحة والأمان حتى تستمتع بجلسة شتوية رهيبة ♥️

تقدر تستمتع بجلستهم واللي تكلّف بس 49 ريال للشخص، أو تجرّب مسارات الهايك المختلفة معهم.

قائمة أماكن بأجواء شتوية في الرياض

2- فعالية ترحاب بالثمامة

فعالية ترحاب ترحّب بكل زوار محمية الملك خالد الملكية، ضمن فعاليات مختلف مثل المنطقة الترفيهية ومناطق العروض الموسيقية الحيّة، بالإضافة لعروض فرق التراث الشعبية ومنطقة التسوق ومنطقة الرسم وغيرها

تقدر تحجز تذكرتك من هنا

3. شتاء جلّاس

تعتبر جلسة شتاء جلّاس لطيفة وسعرها حلو ويبدأ من 45 ريال للفرد. المكان منظّم وفيه خدمات، غير جلساته الحلوة والمختلفة 👇🏼

 

قائمة أماكن بأجواء شتوية في الرياض

4. شتوية مرزام

مرزام رجعوا هالسنة بتعاون مع منتجعات نجدارة في العمّارية.

المكان يتميّز بالتصميم الريفي، وجلساته تعتبر هادية ورايقه مرّه.

5. شتوية قرقاص

الفعالية تنفع لأي شخص ما يبغى مكان بعيد، لأنها خارج مول بانوراما مباشرة.

فيها جلسة خارجية لطيفة وعروض موسيقية، بالإضافة للعديد من المقاهي اللي تقدرون تستمتعون فيها بمأكولات ومشروبات شتوية ولذيذة 😋

قائمة أماكن بأجواء شتوية في الرياض

نتمنى تستمتعون بهذه الفعاليات، ولا تنسون تشاركونّا تجاربكم على #LovinSaudi أو @LovinSaudi 💚

قائمة أماكن بأجواء شتوية في الرياض

التسوق

إقرأ المزيد

المزيد مثل هذا