دليلك لموسم الرياض ٢٠٢٢ وكل ما تحتاج تعرفه
دليلك لموسم الرياض ٢٠٢٢ وكل ما تحتاج تعرفه
أعلن المستشار ورئيس مجلس ادارة الهيئة العامة للترفيه تركي آل الشيخ انه بعد طول الانتظار وأخيرا بينطلق موسم الرياض بتاريخ ٢١ اكتوبر، يعني يفصلنا عنه اسبوع بس!، ونشر حساب موسم الرياض الرسمي هذا الفيديو الرهيب اللي يشرح ليش موسم الرياض هالسنة بيكون قوي 🤩
View this post on Instagram
وصل هاشتاق #موسم_الرياض للترند أمس من كثر ما الناس متحمسين له، و قررنا نختصر لكم في هذا المقال أبرز الفعاليات والانشطة اللي بتكون موجودة 🔥
ايش ممكن نتوقع بموسم الرياض هذا؟
بيكون في الموسم ١٥ منطقة، بعضها دخولها مجاني وبعضها برسوم. المناطق بتكون:
- ونتروندرلاند (Winter Wonderland)
- بوليڤارد وورلد (Boulevard World)
- الرياض الصغيرة (little Riyadh)
- ساحة الخيال (Imagination Park)
- مهرجان المعجبين (Fan Festival)
- قرية زمان
- رياض سكاي (Riyadk SKy)
- المربّع
- ڤيا رياض (Via Riyadh)
- واجهة الرياض
- ذا غروفز (The Groves)
- حديقة السويدي
- حديقة الحيوانات بالرياض
- سوق الزل
- بوليفارد رياض سيتي
كيف بيكون مختلف عن المواسم السابقة؟
بيكون بتاريخ ٢١ أكتوبر حفل رسمي كبير جدًا بمناسبة هذا الافتتاح يتضمن عروض سيرك دي سوليه 🔥.
أكيد بيكون فيه مسرحيات وأداءات رهيبة، وحفلات موسيقية كبيرة من فنانين محليين وعالميين، وفيه كلام متداول عن انه الفنانين راشد الماجد ورابح صقر ممكن يقدمون حفلات ضمن الموسم.
بيكون فيه حتى ضمن الموسم افتتاح العديد من المطاعم والمقاهي العالمية بمختلف المناطق، غير التلفريك اللي بيكون يربط بين بوليفارد وورلد وبوليفارد رياض سيتي، يعني فعلًا شئ فوق الخيال 🤩
هذه التغريدة تختصر لك أبرز الأشياء اللي بتكون فريدة من نوعها في هذا الموسم، ومن أبرزها أكبر بحيرة صناعية في العالم 👇🏼
منطقة لمشجعي #كأس_العالم، وأول تلفريك بالرياض، و65 يومًا من الألعاب النارية؛ أبرز ما جاء في حديث رئيس مجلس إدارة الهيئة العامة للترفيه في #مؤتمر_موسم_الرياض. #التواصل_الحكومي pic.twitter.com/qIqBXaGUL1
— التواصل الحكومي (@CGCSaudi) October 12, 2022